Sé jou-tala sel koté man ka kom ni an tjè kontan sé adan chanté nowel.
Adjilbè pa djè kontan pas ipa ni tjè’y djé épi tousa ka pasé ayé. Mé i ka djoubaté toujou pou fè laribot kon avan, san mandé lajan pou sa.
I lé pasé kay lé vwazen menmsi lasimenn pasé ni yonn ki fè’y wont. Misié lé a tout fos viv an nwel kon avan. De tout fason i rafen kon an kris anglé dan an galta alman. Dépi yo ka palé’y di péyé pou chanté nowel i ka vini siseptib kon an pété cho an papiyot.
Si sé pou pòté paté i dakò, si sé pou achté bouden pou sa, si sé pou pòté chob épi litjè i dakò mé zafè péyé chanté nowel oben alé anlè podiom i pa djè pou sa pies toubannman.
Lisien trapé an gro kontravansion pas i tjwé twa kochon. Gouvelman di si sé an kochon pou fanmi’y ou, ou pé tjwé’y mé si sé twa menmsi fanmi’y ou gran gran gran, fok ou alé labatwa pou pèsonn pa tonbé malad. Sé lalwa Léwop.
Antouléka, misié ka di bien fò i pa ka alé pies chanté nowel, sirtou si sé pou alé chanté anba wob oben dot kantik pikan ka kòché zorèy nou.
Jid
