Potomitan

Site de promotion des cultures et des langues créoles
Annou voyé kreyòl douvan douvan
FLUX D'INFORMATIONS   feed   facebook Twitter                  LE POTEAU MITAN
KRÉYOLAD PHOTOTHÈQUE
ARCHIVES INDIANITÉ
MO FLÉCHÉ AUTEURS
MUSÉE DU DODO ZOBEL
FRAZ KREYÒL POTOMITAN IOCP

Visitez notre richissime sommaire vous ne le regretterez pas une seconde!!!

Le site Kapes Kréyol a beaucoup grandi, tant et si bien qu'il déborde le cadre du Capes de créole, tout en gardant une partie réservée à ceux qui préparent le CAPES, il a besoin de répondre à autre chose car il devient toujours plus un lieu d'échange et de promotion de tous les créoles. On a choisi le nom POTOMITAN, qui signifie le «poteau central», pour indiquer que notre site veut être un des piliers des langues et cultures créoles. Nous changerons la présentation du site au fur et à mesure de nos possibilités, si vous notez des problèmes techniques, écrivez-nous. Bonne navigation à tous! Charte de respect et de bienséance.

Les opinions et idées présentées sur le site appartiennent à leurs auteurs, elles ne représentent pas forcément celles du

Bissette élu député

Chouval-Lanmè é Pwason-Twonpèt

On papa Chouval-Lanmè
ansènt gwovant
té ka pwonmlé pwonmlé a-y
adan on savann-lanmè p’asi koté Vyéfò
lè i bouré èvè on Pwason-Twonpèt.

An tan-lasa nòstwòm twonpétè-la
té on kalité makanda
on langalakakya.
I té enmé ay bat toupatou
tousa i té ka vwè an fon lanmè-la.
Vwè i vwè Chouval-lanmè i mandé-y

— Woy ! woy ! woy ! Konpè Chouval

Ola ou k’ay èvè gwo bouden a-w lasa?
Yo té ké di ou ansent pou manjé !
Ou mèyè pa sav sa pa bon pou santé a-w ?
Chouval lanmè nofwap réponn

— Awa misyé-la a pa pou manjé an plenn

Sé pou rédé madanm an-mwen pòté chaj.
Aprédavwa i pòté sé zé pitit an-nou la kèk tan
an ka mandé-y ban-mwen pòté-yo tibwen osi
Kifè lèwvwè lè-la ké rivé pou mètba
sé mwen I ké akouché sé pitit an-nou la.
Pwason-Twonpèt rèsté èstébékwè

— Ka ou ka rakonté la non monchè ?

Sé zé-pitit a-zòt la ka sòti an bouden a madanm a-w
pou yo ay kontinyé gwosi adan vant a-w ?
E sé vou Pap-laa I ké mètba ?

— Mé wi misyé-la ou pé ay blagé sa

toupatou si ou vlé !
An plis ki sav sé labitid a-w
ay twonpété é simé makrélaj asi moun
mwenmenm an-mwen byen mansousyé.
Asiré pa pétèt madanm a-w té ké byen enmé
vou osi ou ba-y déparfwa on favè
pòté sé zé a-zòt la èvè-y
asèlfen a pa toujou fimèl ka pòté pitit !

Twonpèt lanmè rété ababa.

Sé dépi jou-lasa zòt pé vwè
Twonpèt-lanmè toujou antravè
Tèt a-y on jan bésé
Akwèdi I wonté
Bon wonté la.
Kifè sé dépi jou-lasa
 i pa pli jen sèvi
èvè twonpèt a-y la ankò
pou malpalé moun.
Epi pou di osi
I arèsté makrélé.

Annou sonjé on tipawòl ka di :
Tini on tan pou kouri
On tan pou las kouri
On tan pou malpalé
On tan pou las malpalé.

Hector Poullet