Potomitan

Site de promotion des cultures et des langues créoles
Annou voyé kreyòl douvan douvan

Eti Péyi a

Jid

Dépi yonndé tan man ka chaché péyi a
An tet zépeng dan an touf kabouya
Man adan péyi a mé man pa ka wè péyi a
Es man aveg oben pas péyi a mofwazé?
Es man ped sans péyi-a?
Es man pa té lé wè i ka chanjé?
Es sé mwen ki chanjé oben li ki mofwazé?

Man ka konprann sa ki té pati kité péyi-a
Ek pa té ka rikonnet péyi-a
Lè yo déviré an péyi-a
Toupandan man an péyi-a
Es lespri mwen pa ka marot an péyi-a ?

Jòdijou man kon an chien adan an yol nef dan péyi-a
A kilè sa rivé mwen an péyi-a?
A kilè péyi-a chanjé?
A kilè mwen menm chanjé?

Pétet man pa fè sa ki fo pou péyi-a
Pétet man kité lézot pran trop pié an péyi-a
Man pa bien ankò an péyi-a
Ki divini péyi-a lè ich péyi-a ki pati ayè?
Eti péyi-a épi tout mes-li, tout fos-li, tout founiti’y?

Mi péyi-a tou an chèpi
Tjè-mwen chiktayé kon tjè péyi-a
Lespri mwen dépotjolé kon lespri péyi-a
Kò mwen an kapilotad kon kò péyi-a

Pou péyi-a viré pli bel
Fok ripran larel
Pou viré wè belté péyi-a
Viré enmen péyi-a
Pou péyi-a pa viré do’y ba nou
Choyé péyi-a

Enmen tout moun péyi-a
Pa enmen laliwondaj-li selman
Toujou pòté tout péyi-a an fondok tjè nou
Pou pèsonn pa tjwé lanmou péyi-a.

Jid, Kapestè  3.11.2016

 Viré monté