Jòdi sé lafet lé papa
Ich-mwen matjé an poèm ba mwen
La ou yé-a, man pa sav si ou ké sa li’y
Ou té ka ki siyé non’w
Mé sa man asiré, ou ka wè twa ti-yich- ou
Menmsi ou pa ni tan wè épi zié vivan’w, twaziem-lan
Man ka palé’y di wou, gran-papa’y
Papa adan évolision mwen
Man dékouvè an brital bles ou té ni
 An bles man ni tou
Mé pa otjipé’w, man ka otjipé di’y
Sé wou ki aprann mwen di:
Man enmen’w ich mwen san wont, ni jènman
Man pa di’w li asé
Man enmen’w Papa
Menmsi ou pa té ka douté di sa
Ou pa la ankò pou wè man ka matjé’y
Man ka di’w li tibren anrita
Mé nou pa janmen anrita pou bien fè
Mèsi papa, gras a wou
Ich-mwen, ti-yich mwen dèmen
Ké tann sa amotchay.

PAPA MAN ENMEN’W POU TOUJOU, AN SEL KOU
Tibolonm ou ki papa jòdi

*