Potomitan

Site de promotion des cultures et des langues créoles
Annou voyé kreyòl douvan douvan

Mwa’d mé

Jid

Mé… mé sé sa menm nou an mé
Menmsi nou pa anmè, kon zo dowmé
Akondi jan Gwadloup, nou té ké enmé
Zot palé an kréyol anbonmé
An kréyol obidjoul kon pawol Mémé
Epi an fransé, I té alé réklamé
Départemantalizasion pou ouvriyé, mé
Ni sa ki kontan, ni sa ki kon lous-mamé
Sa’w lé fè, ou pé trimé
Fimé, filmé oben rimé
Ou pé ké janmen goumé
Asé pou kréyol pa détanmé
Anlo moun pa ka trouvé’y asé ganmé
Pou i sa rivé charmé
E kréyol la ka chomé
Pandan tout an mwa’d mé.

boule

 Viré monté