Lendi pasé avoka désidé fè lagrev. Gouvelman pa ni lajan, i ka mandé yo partisipé an bidjé-a pou édé moun ki pa ni lajan pou alé wè akoka.

Sé avoka-a pa kontan pies pas dépi démilset lajan yo pa brennen. Avokia ni labitid abiyé an nwé pou défann koz kliyan-yo, mé la sé yo ki an nwé an zafè lajan-an. Sé avoka-a pou défann koz yo mandé gouvelman es doktè ka pfyé pou ba malad rimed?

Sé jou-tala lajistis ni poblèm pas sé pa avoka selman ka vréyé pié. Sé moun lajol-la di yo pa ni sa ki fo pou yo travay. Sa ka vini danjéré danjéré Dikos. Ni moun andidan-an ka fè plis trafik ki déwò-a.

Kantapou lapolis, sé sòti an sann pou tonbé an difé. Yo ka mandé yo fè anlo travay papié é yo pé pa otjipé di lapopilasion kon yo lé. Lè yo rivé mété an malfra andidan lematen, laprémidi i ja déwò ka zagalé yo. Yo bon épi sa, é ou sé di sé bandi-a sav sa, yo ka simen bon panik. Yo pa ka respekté polisié yo jik ka vréyé fion ba yo. Yo sav Dikos pa ni plas.

Manmay pengad talè an bandi pa ban ou an souflé pas i sav yo pé ké fè’y ayen.

Jid

Sommaire Kréyolad

 Viré monté