Larantré fet épi pofésè ek zélev, mé ni sé nouvo pofésè a éti yo vréyé an Frans lan sa yo ké divini?

Ni anlo moun ki pa ka konprann poutji sendika ka di  ka mantjé pofésè, kontel mat, filozofi éti yo oblijé viré kriyé sa ki té ja pati laritret, é an menm balan-an, yo ka dépòté jenn pofésè ki pasé konkou pou yo ni plis estabilité.

Lékol la viré pran, mé anboutéyaj la tou. Epi zafè TCEspré a, magré yo wouvè an twaziem vwa, sa pa ka ranjé lé zafè an mitan lavil.

Si nou ka fè larantré érezdibonnè ni solidarité épi Ladominik ki pran bon fè épi Erika. Laréjion mété kò’y an aksion, mé ann asosiasion péyi kréyolopal pòté mannev épi Lavil Préchè pou partisipé adan mouvman-an.

Anlo moun té monté Mòn-Wouj dimanch pas sé la Monsenyè né é anlo moun pa rivé wè’y, magré an bidim ékran.

Sel bagay anlo moun di té ka fè tro cho é yo té simié rété déwò. Monsenyè pofité di sé fidel la, chonjé vwazen nou Ladominik ka pran bon fè atjelman. Laéwopò yo anba dlo toujou.

Nou ka chonjé lajénes, sirtou sa ki fini pran bak yo, ek ki oblijé pati pou kontinié étid yo. Ni anlo ka chaché an patron pou aprantisaj yo é yo pa ka trouvé. Jénes nou ka djoubaté red pou trapé an diplom, mé apré travay la ka vini ra kon zé bourik. Magré tousa fok lajénes pa bésé lé bra pas sa ka vini toujou pli red.

Vakans lan bout, mé zafè mis la ou sé di i poko paré pou bout. Nou lé kwè lakadémi ké prévwa an ti-plas pou aprann kréyol lékol. Fok aprann matjé ek li bel lang nou an.

Manmay bon larantré

Jid

Sommaire Kréyolad

 Viré monté