Dépi lafen mwa dawou-a, Adjilbè tibren débousolé. Déja  fok i té maré ren’y pou fè larantré sé yich la ek sé fiyel-li a (i ni kat); yo chak ka vini wè paren pou trapé an ti kéchoy.

Mwa septanm-tala poko ni siklòn érezdibonnè, mé ou sé di ni an vié van pli mové ka souflé anlè jénés-la. Pou an wi, pou an non, sé bo, bo, bo! Yo ka pran fizi yo.

E sa ki pli red la sé ki yo vini lach épi kapon. Pa ni zafè pran so, ni lévé fésé ankò. Yo pa ni tan palé ankò.

Yo fò yen ki an… dwet pou fè gun yo palé.

Adjilbè pa sav sa pou fè pou sa alé tibren pli bien. I pa menm sav sa pou di pou la sitiasion vini titak pli flouz. Lot jou misié fè mwen ri magré sitiasion krabik ek sirikal-tala. Mi sa i di mwen:

– Jid, man kwè péyi-a vréman tjoupoutet. Anni gadé, jik kok ka chanté a nenpot ki lè. Lanati menm pa ka konprann!

Lè i di mwen sa man kom réfléchi titak.

Si nou moli asiré nou pran fè! Fok fè akondi chanté-a:

– Fo’w tjenbé, pas si nou moli, lavi fini é sé nou tout ké adan an sel débousolman!

Jid

Sommaire Kréyolad

 Viré monté