Vaut mié en bon
arrangement qui
en mauvais procès
Dé bougue té volé an milet
mais pou té séparé ï yo pas
tombé d'accô. Youn té lé gadé
milet a, l'autt' la té ni busion
l'agent pace qui missié
té rafin con en ratt' l'église ;
pou li an seule solution qui
té ni pou i té ça ni en bon
l'an-monnaie en poche li, cé té
venn' milet a, si bien qui désode
pété. An parole min-nin
l'autt', yo coum-mencé lancer
dé qualité gros mots, « moune
qui té ka passé pas la, cété
bouché zoreille » tellement
youn té ka déshabiller l'autt'
épi férocité ; Yo chauffé tellement
rède qui gros combat pété.
Dé bougue la coum-mencé
goumain, yo chaque tirer en
boutou bradinde bien taillé.
« Messié, messié, messié »,
Mi cé la pou té ouè youn
épousté l'autt' épi passion.
Pendant temps a milet à douboutt'
en mitan chumin a ka
gadé cé méssié jouer boutou
bradinde. En min-me temps,
mi an l'autt' voleu té ka passé,
quand i ouè milet a en mitan
chumin a épi dé compè a ka
jouer boutou bradinde, missié
pas fait ni youn ni dé, i an ni
jambé bête la épi hop, i pété
ï, missié fait di fé épi milet a.
Quand dé bougues la té
lass' goumain, yo té épuisé.
bô zieux yo pété, gueule yo
fenn', tête yo pliché, sang ka
coulé con d'leau, yo pas minme
ça ouè clai ; yo tout les
dés rété douboutt' con dé
grand couillon. Youn ka mandé
l'autt' éti milet a, là milet
a passé. Pendant temps a milet
ja loin.
Tout ça yo bénéficié, cé
qui yo té obligé entré l'hopital
d'urgence, pou médecin té
soigné yo. Et si moin dit zott'
qui bagage ta la rivé, pas
seulement pou voleu, mais ça
rivé aussi pou des gens très
bien. Plusieu fois moin ouè
des papa mô épi yo quitté
biens pou zenfants yo, et
quand cé zenfants a pas rivé
enten-n, yo fini par goumain.
Après combat lévé, yo allé
trouvé avocat pou plaider les
affè ; Avocat coum-mencé pas
mander yo une provision, épi
an l'autt' provision, épi an troisième
provision, épi jusqu'a
six provisions, si bien qui
toutt' l'agent a fini pou payer
procès. Heureux encô si yo
pas té obligé aller mander
l'agent prêté pour an dènié
provision. Tout ça pace côté
l'intérêt pas ni fan-mi ! ! ! |
|
