Potomitan

Site de promotion des cultures et des langues créoles
Annou voyé kreyòl douvan douvan

"Ka kréyol yé ba-w?"

Kréyol a Wali

Èktò Poulé

On manmnan Matinik
èvè tout déchoukman péyi a-y.

*

On papa Sénégal
èvè fenfon zantray Lafrik a-y.

*

E mi mwen fèt Matinik épi grandi
èvè kòwòsol, dachin oben chou-di.

*

Aka Papa Senlwi oben Gran-Yòf
An chèché mété kò-mwen an Wòlòf.

*

Fòdfwans jenn bway an fè lisé.
An fwansé bouch-mwen an bon Fwansé.

*

Sèt lanné Lonndonn a pa té jé
Mwen anglézé toultan an té pé.

*

Sé Langlitè an dékouvè Lakarayib
Pou té trapé plibon méyè zanmi an ni.

*

Viré an Fwans, fè Linivèsité
Ka an té vlé sav anvérité ?

*

Epi on jou an kontré èvè Vyolèn
I fè-mwen vwè I té Gwadloupéèn.

*

Alòs an pa té andwa kontinyé kayé
té fo-mwen sav kimoun an yé.
Pou alè sé an Fwans an ka rété
sé Kréyol an-mwen,
lè an bizwen-y
ka rédé-mwen touvé larèl an-mwen.

*

(Mé 2013 Èktò Poulé, dapwé Wali Fale)

 

boule

Viré monté