Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
Calendrier des arbres Sabliyé Place de la Victoire, Pointe-à-Pitre. Photos F.Palli. |
Sabliyé
oswa Salbiyè.
Sé non an-mwen.
Sé Anglé-la ka di :
Sandbox !
Sa sé zafè a-yo.
Sé grangrèk-la ka di :
Hura crepitans !
Yo pa ni toutafètman tò
poudavwa pou krépité
an ka krépité bon krépité-la
kivédi pétayé : vim !
Lèwvwè karenm ka bay adan
si péyi-la
an ka voyé grenn alé : vidim !
toupatou-alantou.
An ka viv lontan zòt sav.
Yo ka di sé on misyé yo kriyé
Victor Hugues
i té fè planté pyé sabliyé
toutalantou laplas Laviktwa
Lapwent ja ni syèktan.
Sé timoun-la ka kriyé-mwen
Kikiyiki !
Menmjan kon kòk gyenm ka kriyé
ka bat lèstonmak a-y pou i goumé.
Timoun té ka fè konba kòk
èvè zékal a grenn an-mwen !
Kilès ?
Kijan yo té ka fè ?
Zòt mèyè pa ka jwè sa ankò ?
Eben ay mandé granfanmi a-zòt
Avan twota maré-zòt :
Ja ka ta
Tan ka pasé.
An tan-lasa timoun té ka jwé
èvè tousa yo té ka jwenn anba men a-yo.
Kapèstè 24 Avril 2014: Èktò Poulé
Inflorescence masculine de Hura crepitans.
Fleur femelle. Photo Jean Philippe Beaugier.
Tronc épineux.
Fruit mûr.
À maturité le fruit explose lançant ces débris partout.
Parties du fruit eclaté qui, après une légère modification, servent à jouer à la lutte entre coqs.