Potomitan

Site de promotion des cultures et des langues créoles
Annou voyé kreyòl douvan douvan

Calendrier des fruits
Novembre

Papay

Hector Poullet

Carica papaya

Papay, Carica papaya de la famille des caricacées. Photo F.Palli.

Moun ja fè jé èvè non an-mwen !
Poudavwa ni papay évè papa a-y
Ka fè papa-y !
Epi osi ni « lèspwa a mal-papay »
kivédi fè flè san jen pòté fwitay !
Mé lè sa konsa, mwen
 sé pou Foufou an ka travay !
Kèlanswa, tousa sé ti-afè
Mwenmenm an-mwen
 an konnèt sé mwen i méyè
pou santé a moun
Ki sé pou lèstonmak
lè i anhanmak
ki sé pou sèvèl antòch
lè i ka bigidi.
 Kuit-mwen lè an vèt
Manjé-mwen mi lè an jòn
Pa ni plibon médikanman.
An won kon ti-jonmon
Oswa an long kon bélanjè
An jòn oben an wòz
“Papay-solo”
Pou di sé mwen tousèl an-mwen
 i sav poukisa zòt ké tanndi
lè on moun sou anba-dlo
« I grenné kon andidan papay ! »

crabe  crabe  crabe

Carica papaya

Fleurs mâles de papayer. Photo F. Palli.

crabe

 Viré monté