Potomitan

Site de promotion des cultures et des langues créoles
Annou voyé kreyòl douvan douvan

Calendrier des oiseaux
Mai

Pyéjòn-janfouyé1

Hector Poullet

Turdus lherminieri

Pyéjòn-janfouyé (Turdus lherminieri). Photo Frantz Delcroix, Source

Turlut ! turlut ! turlut !
Larigo ! larigo ! turlut !
Turlut ! larigo !
Turlut ! larigo ! larigo !

Toulongalé
Ajékontinyé
Atilayigo
On griv a pat jòn
mansousyé ki jédpòm
ki banza
ka bay-lavwa
Dépi lè a pipirit
jik douvan lannuit.

Turlut l Larigo !
Turlut ! Larigo ! Larigo !
Mal é fimèl
zafè a-yo bèl
kyè a-yo kontan
Yo pa ka pèd tan
Yo ka fè nich
alòs yo véyatif.
Penga  Man Glous
pa vin alakous
chèché volé
dé bèl  ti zé blé
yo ka véyé…

Turlut ! larigo !
Larigo ! larigo ! larigo !

Dépi pa ni sitèlman lontan
yo sav yo andwa chanté
a gou a kè a-yo
davwa défann chasè
nòz tiré si yo
pas
sé anni kotési
lafanmi pyé jòn
 ka viv, kivédi
Monsérat
Gwadloup
Dominik
Sent-Lisi.
Alòsépoulosdonk : Turlut,
 larigo, larigo ! larigo !

Kapèstè bèl-dlo:
26.04.2015

Note

  1. Pyéjòn Janfouyé: Grive a pieds jaunes, Turdus lherminieri.

 

Viré monté