Potomitan

Site de promotion des cultures et des langues créoles
Annou voyé kreyòl douvan douvan

Sa sé sa nou ka fè

Fimber Frank

Sé nou ki lévé sòlèy-la, Bonjou!
Sa sé sa nou ka fè
An ti fè nwè-a nou ka koumansé twavay nou
Sa sé sa nou ka fè
Bwennen nou menm kon fonmi fou
Sa sé sa nou ka fè
Lé òswè nou ka mandé ki moun ki bay nou kou

Povèb di: Si twavay té bon, yo pa té ké péyé pou fè’y!

Mé lajan-an sé tousèl on ti lanmonné
Pa anyen lè nou mété’y vizavi lanmityé
Sé lanmityé-an ki tjenn difé-an
Difé pou kwéyé èk pou kontanté san manjé

Fè piti, piti vini
Fè hototo, péyiman pa sa fini

Povèb di: Si twavay té bon, sé pa nèg ki té kay twouvé’y!

Sé bon pou wè valè an ti-a ki nou jwenn
Nou sa lévé an gwan bwa si nou wouzé an gwenn
Sé sa ki fè nou ba’y tjè nou, tout bagay!
Swèt lofis-la ében savann bay yon bon batay

Fè piti, piti vini
Fè hototo, péyiman pa sa fini

Pou di ki jòdi-a nou vlé akonpli yon wèv
Sa sé sa nou ka fè
Twavay pou mété'y pasé pawòl sòti lèv
Sa sé sa nou ka fè

KI SA OU KA FÈ?

Fimber Frank
Novanm, 2017

boule

 Viré monté