Potomitan

Site de promotion des cultures et des langues créoles
Annou voyé kreyòl douvan douvan
pwèm kreyòl

potomitan

Manman rasin pyébwa mwen

Manman si'w pa te la ,
di mwen ki divini mwen,
di mwen sa'k mwen te ke ye jòdla,
di mwen ès mwen te ke jwenn an tyè kon ta'w pou renmen mwen,
davwa san'w mwen pa te ke ye.
Manman, an lavi pa te ke ase pou di'w mèsi,
pou rann ou tou sa ou ban mwen,
pou misire grandè lanmou ou ban mwen.

Manman tout latè pe maltrete mwen,
jouwe mwen,
meprize mwen,
dekatye mwen,
sali mwen ,
trennen mwen an labou kochon kon an bonda sal,
men wou ou ke toujou la pou fè mwen wè ki mwen se an nonm,
ki mwen se yich tyèkoko'w,
ki mwen ni an valè ba'w.
Ou toujou la pou padonnen mwen,
pou pran pasyans epi mwen.
Ou ni an tyè'w santiman Papa Bondye ki toujou ka renmen nou
magre tout peche nou.
Se Bondye ki ban mwen an manman kon'w,
tankou an lanj ki sòti nan syèl la.

Manman,
yo se pe chode mwen an dife,
nenyen mwen an dlo gran lanmè,
lese mwen san lè pou toufe mwen,
tere tou vivan anba tè,
men mwen le ou sav
ki janmen yo ke wote lanmou wa mwen ni pou'w.
Janmen yo ke tire lanmou wa ki nan tyè mwen.
Se lanmou tala ki fondas kò mwen,
ki fondas lespri mwen,
ki fondas nanm mwen.
San wou mwen pa ye.
Ou se pli gran moun apre Bondye...

Kounta/ Jean-Pierre LAUHON   25/05/08

Viré monté