Potomitan

Site de promotion des cultures et des langues créoles
Annou voyé kreyòl douvan douvan

Zepol Vieyar

Kabir Hussen

Lor so zepol vieyar
Li pe sarye enn kadav
Ki personn pa ti le antere
Parski li ti enn manjyan lekor sal

Lor so zepol vieyar
Li pe truve ek tande
Kuma jimunn pe riy li
Ek zot jir ki li ena lame sal

Zepol vieyar delibere
Li fuy enn tru avek so lame ek anter li
Bann jimunn otur li ti pe tufe ar riye
Alor vieyar la jir:

Lor mo zepol vieyar
Monn sarye enn kadav
Wi li ti enn manjyan
Me li ti kuma zot, enn imen

So lekor sal
Me eski zot ti deza ofer li jilo ?
Mo ena lame sal
Me avek jilo li pu vinn prop

Mo leker prop
Kuma zot pu lav pu zot!

Ek mo lam satisfe
Kuma zot pu satisfer pu zot!

Pa inyor bann ki dan difikilte
Tret tu jimunn avek lamur
Parey kuma to tret to zanfan
Avek pasyans, avek afeksyon
3
Beni bann leker prop, zot pu truv bonjye!
Rapel parol ki ti sorti depi so labus
Gide par lespri sen pu vinn sov limanite
So sakrefis ti gran...

Get zot! Zot pe turn ledo depi enn lekor
Kot zot imanite! Kot zot krwayans!
Seki monn kapav fer monn fer
Enn pasan dan zot lavil

Monn pase, monn truve, monn pran
Dan lamur kan u done u pe resevwar depi u aksyon
Lor sa parol la vieyar turn so ledo
Ek pran enn direksyon, nenport enn

 

 Viré monté