Potomitan

Site de promotion des cultures et des langues créoles
Annou voyé kreyòl douvan douvan

Zom Revolte

Kabir Hussen

Enpilsif ar tapaz initil
Irite par bann bufon sivilize
Bann somnabil regrupe
ek desid pu return primitif

Deklar lager kont tu sistem
Desann lor sime enn gran lizur
Mars tuni ver enn lafore jistan
Plizir milye zom revolte

Sakenn viv dan so fason
Soliter uswa grupe
ek parey kuma bann zanimo
dan zot rwayom pena bonjye

Nenport kan ek kot sa
Zot fer lamur san laont
Sezon lamur li tulezur

Leker lafore abrit lape ek liberte

Viré monté