Potomitan

Site de promotion des cultures et des langues créoles
Annou voyé kreyòl douvan douvan

Kifer to pe get lao

Kabir Hussen

Kifer to pe get lao
Kifer to rod li andeor

Pa dan to bann pozisyon zako
Ki to apel mejitasyon ki to pu resi

Nonpli dan fer to mem jitor
Okontrer to lekor bizen konfor

Li pa res ant kat miray
Ki to aranze kuma araze

Ek fer tu kalite tapaz ek zestaz
Dan lespwar li pu tann to bann komeraz

Res trankil ek to pu kone
Li dan twa ek li dan lezot

Me si to pa truv li dan twa
Kuma to pu truv li dan lezot

Ferm to lizye
Donn to lespri trankilite

Apre enn lekzistans dan nwar
Ante par tu kalite kosmar

Lor premye reyon soley
Enn fler pu uver

 

Viré monté