Jules Ballet1, La Guadeloupe,
Renseignements sur l'histoire, la flore, la faune, la géologie,
la minéralogie, l'agriculture, le commerce, l'industrie, la législation, l'administration,
Tome troisième, Basse-Terre, Imprimerie du gouvernement, 1902, 468 p.
p. 84 à 85.

mouche

Mouche. Photo F.P.

C'est Jules Ballet qui parle :

Le conte suivant ne remonte pas à une époque très reculée. Il n'a été inventé que postérieusement au 1838, année de l'arrivée dans notre colonie des Frères de Ploërmel. Nous le rapportons dans toute sa simplicité en lui donnant pour titre:

Le Saint Ressuscité

Gnon jou gran féte, gnon sacristain levé tard. Li couri a
l'église pou li té pé balayé, pousté, avant moune vini. Quand
li vini pousté Saint-Joseph, li fè si vite, si vite, li cassé li.
Sacristain pouan tremblé. Li té tini per yo té fé li payé bitin
la. Li réfléchi coument li té ké pé tiré li zaffer. Li paté fouti
trouvé gnon mouyen. Li dit : Aié ! bon Dié vini sicouri moin.
Pou los don bon Dié tendé li et voyé li gnon zinspiration.
Li té counaite gnon ti gaçon ti té poutré a Saint-Joseph. Li
allé trouvé li. — Ou ka semble Saint-Joseph, ou vlé pouan
place a li. — Ti gaçon la pas dit li non. — Alos vini en dou-
vant li messe.
Ti gacon la vini. Sacristain abillé li et mette li a si place
a Saint-Joseph. Li rété droète, li pa tan sèlement bougé et
pésonne pas apéci Saint-Joseph té cassé.
Après li messe, toute moune soti et ti gaçon la désande pou
allé a la case li. Li pas dit maman li hac.
L'hère vépes té ka proché. Sacristain trouvé li enco bien
embarracé. Li allé oti ti gaçon la. A foce fé, li réissi a méné
pouan place a Saint-Joseph.
Primié son sonné. Ti gaçon la té ka mangé coscaille. Li pati
si vite, si vite, li oublié suyé bouche a li.
Li té a place à Saint-Joseph, los toute moune vini, les fouers
avec zenfants a yo.
Pas té tini hac changé dans l'église. Toute saint té en niche
a yo. Saint-Joseph douète con piquet.
Vépes commencé, pai té ka chanté, zélèves a foues té ka
réponde.
Gnon mouche vini posé a si bouche a ti gaçon la. Mouche la
té kallé, rivini. Ti gaçon la pa té vlé chassé li avec main, sérié
con gli-gli, li té ka sayé chassé li avec léves a li.
Gnon ti moune a foue ti ben distré, té ka gadé toute patout.
Zié a li tombé a si Saint-Joseph fixe con lougarou. Li apéci
Saint-Joseph ka rimué léves a li. Li crié : Mon fouer, Saint-
Joseph ka gouillé léves a li. — Fouer la répone : Si ou pa ka
pé, moin ké fouté ou en pinitence. — Mé, mon fouer, léves
a li ka gouillé. — Moin ka metté ou en pinitence...
Ti moune la té pris apoué Saint-Joseph. Li ka gadé toujou
et toujou li ka vouer léves la gouillé.
Mé mouche la té ka vini plis embétant, li té kallé, li té ka
rivini. Ça vini a té si fort, si fort, si fort, ti gaçon la pas té pé tienne
plis. Li sauté a té, foulquant a la couse a case maman a li.
Bouit la li fé en toumbant a té, fé toute moune viré tête. Yo
vouer cété Saint-Joseph té soti a si place a li. Yo toute crié :
Miracle ! miracle ! gnon saint réssisité. Yo toute pati en pagale
pou couri apoué li. Rivé en déhors, yo vouer li té vaporé.
Ti moune la fouer la té mette en pinitence, dit li : Ou vouer
mon fouer, mon pas té ka menti : Saint la té gouillé léves a li.

Nous avouons que c'est nous qui avons écrit ce conte en lan-
gage créole.

Jules Ballet, Conservateur des hypothèques à la Pointe-à-Pitre en retraite. Ancien Inspecteur, chef du Service des Domaines, à la Guadeloupe, Vice- Président du Conseil des Directeurs de la Caisse d'Epargne de la Pointe-à-Pitre, ex-Censeur légal près la Banque de la Guadeloupe, Membre correspondant des Chambres d'Agriculture de la Basse-Terre et de la Pointe-à-Pitre.