COMPÉ ZARIGNÉ

Té tini gnon maman qui té tini gnon fille.
Li té vlé marié fille à li.
Compé Zamba, compé Lapin, compé Gouti, vini mandé fille
la. Fille la couapé yo toute.
Compé Zarigné vini aussi. Li répone li : ou tini jame fine,
ou tini gros tete, ou pas tini rin, ou ka fait trop fil.
Gnon jou, gnon bel musieu vini en voitu. Fille la té pas la
fenète ka vouer li rivé. Li crié : Aie maman, cé épi li même
moin vlé maié.
Maman la qui té plus savant, vouer en peau à Mouché la
li té plein crioté. Li dit fille à li : mi gnon zépingle. Toute
pendant ou té joué épi li, piqué li. Si cé sang ti soti, to ké
dit : cé moune. Si cé matiai, cé diabe.
Fille la qui té ka mort pou maié, pa piqué moun la. Li
piqué douete à li pou poté ti bouin sang pou maman a li.
Maman la dit li : Ma fille ! ! ! moin pas qua couer, mé plis
ou vlé li, batte corp à ou.
Lendimain yo té maié et yo pati en voitu.
Maman la té baye à fille à li gnon troupeau mouton, gnon
troupeau bœf, gnon troupeau cabrit. Toute ça vini à la couce
deyai voitu la.
Toute long chimin, mari à li té ka dit : Ma famme, moin tini
faim ! Hé bien, mangé mon mari D'in sel bouché, li ka
valé toute troupeau bœf la.
Famme la coumencé ouvri ziés.
Quand li fini mangé troupeau bœf la, li mangé tout trou-
peau mouton la, et pi li chanté : Douvant ouvert, deyai femé.
Douvan ouvert, deyai femé !
Rivé la case à li, li dit à famme à li : Bel chateau la, cé
cila ou. Visité toute, poumené patout, mais moin tini gnon ti
chambe ti au fond la cou. Pouan gade ou jambé allé la.
Madam fè semblant dit oui. Mé con li té bien cirièse, con
toute famme, sitot mari a li foulquant, li rantré dans ti chambre
la. En ouvrant la pote, gnon l'oder sang guimbé li en goge.
Chambe la té plein terrine sang tout patout, li vlé couri,
pas tini mouyen ; li vlé hélé, goge a li séré. A foce fè, li
chongé bon Dié. Li fé signe la croix. Au même moument li
trouvé li dans la cou, et mari à li douvant li.
Mari la coumencé roulé gros ziés. Li visité madam en haut,
en bas, douvant, deyai; Li fini pas vouer gnon ti tache sang
a si douete a li. Li dit li : ah ! ma famme ou trompé moin.
Quo fè tache sang la ? quo fè ou désobéi moin ?
Famme la qua tremblé, mé li té pè répone : cé couteau
qui coupé douete à moin;
Dans tem la, couteau, fouchète, toute bitin té ka palé, et dans
case a diabe toute zaffer té ka travail sans moune metté main.
Diabe crié couteau : couteau pou qui ou coupé madam ? Ah !
maite a moin, cé pas voué, moin pas jamé coupé madam ; moin
té ka fè travail a moin en cuisine. Madam, cher Madam à moin,
pou qui menti a si moin ?
Madam la té ka mort pè, li répone : non, cé fouchéte ti piqué
moin.
Diabe crié fouchète avec gros voix a li. Fouchéte qua rivé :
Fouchéte pou qui ou piqué madanm ? Fouchète qui té ja con-
naite zaffer a maite a li, fé gnon saut et dressé con piquete
douvant madam : moin ! moin ! piqué ou ? cofé ou ka menti con
ça çu conte a lez autes ? Dit la vérité ! pou cofé ou allé en ti
chambe la ? cé la ou sali douette a ou.
Diabe qui pa té ka mandé mié, plis li té chaché l'occasion
pou mangé famme a li, mété li dans gnon grand colè. Toute
case a li té ka tremblé, chaine té qua rimué patout. Famme la
té tini pè en pile. Diabe ka poumené ; li ka réflichi. Gnon
bon coup, li ka lévé téte. Li ka coummandé famme la pas soti
et baye toute coq mangé, toute chouval aussi. Epi li monté dans
bois pou allé chéché lez autes camarades à li pou mangé famme
la.
Madam la descenne dans zécurie. Li dit con ça : mon pé ké
baye vié chouval la mangé, li trop vié. Vié chouval la dit li :
ou pas save ça qui ké rivé ou ? sauvé ou pasce Musieu ké tué ou.
Alos famme la dit li : ça faut fè pou sauvé moin ? baye coq
bien mangé pou li pas chanté ; mouté a si jène chouval et pati
bien vite. Moin qui vié, mon pé ké pé allé vite. Moin ké rété
mangé ti zèbe et ou ka tini tem rivé loin.
Famme la fè ça vié chouval dit li. Quand Diabe rivini, li
pas trouvé madam a li. Li pouane vié chouval, li couri déyai li.
Vié chouval quallé piam, piam, pasce li mangé ti zèbe. Diabe
enragé ka batte chouval : chouval quallé pli ki ti, pli ki ti.
Quand diabe vouer li pa ka vancé, li baye gnon sel coup pié et
touyé vié chouval.
Diabe ritourné chéché botte a li
Pendant çu tem, jène chouval té ka galopé toujou, ka galopé,
ka galopé. Li ka rivé enfin au bor di mer. Madam la touné
ziés alos, et li ka voué diabe ka vini.
Compè zarigné té ka péché poisson en çu moument dans ti
canote en feuille a li.
Madam la crié : hélas ! musieu zarigné, pouan moin en ti
canote a ou ?
Compé zarigné ka viré téte et ka siflé : fiou, fiou, fiou, li
pas tini jame, li pas tini rin... Fiou, fiou li tini gros tete, li
ka fè fil.
Ah ! musieu zarigné, pa chongé ça, chongé bon Dié, sauvé
moin — Ah ! ou vlé gnon ou ça mon pa songé... Fiou, fiou,
fiou, fiou.
Diabe té ka maché toujou, li té déja proché, li té kallé pouan
famme la.
Mé zarigné qui té tini bon cœr, et qui té tini toujou coup
soleil a li, baye un coup pagaye et rivé a terre. Li halé famme la
et sauvé li dans ti canote a li.
Diabe té firié, té ka mort colé, li té ka batte la mer a coup sabe.
Zarigné té ka nagé, ka nagé, justant li disparète a l'horizon.
rivé la case a li.
Li marié avec madam la li tant aimé. Yo baye gnon grand
Li diné.
Gnon ti zos tombé a tèr moin baissé pou ramassé li. Yo
ba moin gnon grand coup pié et yo dit moin : vini poté ça
ba ou.

Morale

Pa jamé fé chia a si rien. Cé toujou la meme ou ka vini
mort.