Pou zozyo montré nou jan pou viv kè kontan,
Pou nou pa pè niyaj, pou flè voyé koulè,
Pou chanjman ka rivé pa pété hak ki bon,
Pou soufrans-la moli, é richès ogmanté

Pou yonn a lot vansé san ni a fè ripwoch
Pou klaté liminé an syel-la, é manjé abondan,
Pou ti moun é gran moun maché men dan la men
Pou vyé moun viv an pè, jis bout a vi a yo

Pou pon pou pa ni pis, é pou pis pa ni pou,
Viv la vi, viv kréyol, viv lanmou!
Annou travay sèryé san pran nou o séryé!
Annou toujou ka ri, annou toujou kontan...

Jean. S. Sahaï