Potomitan

Site de promotion des cultures et des langues créoles
Annou voyé kreyòl douvan douvan

Lanmou

Jocelyne Mouriesse

Photo F. Palli

Yè oswè
Tanbou mwen an
Té lé pran an ti kout' lalin

Yo tou lé dé
Té pozé la
Ka réfléchi
Anlè ko yo
Anlè latè
Anlè lannuit ka chalviré

Ou té la
Ka gadé lalin
Man té la
Ka gadé lannuit

Nou té la
Ka kouté pou tann
Tann pou konprann

Yo sé di pa té ni ayen
Ayen pou tann
Ayen pou wè
Yo sé di...

A byen gadé
Ni an lalin ka kléré
A byen kouté
Ni an lannuit lanmou
Ka roukoulé an fon tchè nou

Lè-a rivé.
Pou nou lévé
Lalin, lannuit
Roulé tanbou !!!

"Lanmou" 15/11/16

boule

 Viré monté