Potomitan

Site de promotion des cultures et des langues créoles
Annou voyé kreyòl douvan douvan

Plaza, Rose-Hill - Le Plazza, Rose-Hill

par Emmanuel Richon

Plaza, Rose-Hill

Plaza, Rose-Hill. Photo E. Richon.

Lane 1896 ki minisipalite Beau-Bassin - Rose-Hill finn kre, me selman dan lane 1927 ki dimunn finn desid pu aranz enn loteldevil zis pu lavil la gany enn batiman korek e adapte. Victor Singery, ki ti enn mam bann komiser bord lavil, finn lans enn petisyon an faver kreasyon enn teat an mem tan loteldevil. Efektivman, apre ki enn bon parti popilasyon finn kit lavil Por-Lwi pu shifte dan plenn Wilem, enn sel kut, teat Por-Lwi inn paret tro lwin ar zot.

Lane 1928, enn lordonnans n° 20 ti'nn otoriz Bord pu pran enn lonn 300'000 Rps, seki'nn permet li asyet enn bon parsel terin dan sant-vil.

Enn konkur finn desid ki sann la ti pli meyer parmi bann arsitek ki'nn sumet proze konstriksyon ; se Coulhac-Mazerieux ki'nn sort premye. Li'nn mazinn enn gran batiman an trwa parti : -enn, enn ladministrasyon lavil (ek so lybreri, so bann ofis, lasal reynyon, enn lavarang, ...), -de, enn teat (ek so hol, so bann gise, so bann bar, so bann loz, vestyer, fotey 1e klas, 2em ek 3em klas, enn gran teras pu resepsyon); -trwa, enn saldefet pu bann fannsifer (ek so bann vestyer, so lavarang,...). Proze la inn prevwar pu li kut 472'000 Rps. Selman lonn la pa ti ariv sa nivo la, lerla, plan la ti bizin modifye pu rann li pli sinp. Dayer, sa pa'nn anpes proze la depas so kotasyon.

Premye blok finn poze lane 1929, me nek dan lane 1933 selman ki ti kapav uver Plaza, parski enn siklonn byin for inn afekte santye la dan lane 1931.

Ena enn non enn dimunn ki pu res asosye ek konstriksyon Plaza, se Louis Tharaud, enn franse, profesyonel dan teat, ki ti finn vinn retabli dan Maurice. Sa bug la inn donn ful konsey pu aranz teat la ziska so finisyon.

Teat la finn inogire par enn seans sinema ek son, ki ti enn zafer nuvo pu sa lepok la. Apre sa, ek Mauritius Dramatic Club ki pyes teat inn kumans zwe. Sa klib kiltirel la ti byin inportan dan teat Maurice ; pandan plis ki karant banane, li'nn zwe enn gran rol anfaver teat.

Bizin nom usi Amédée Poupard ki'nn zwe buku komedi ziska 1969. Anplis sa, li'nn kre usi enn "Société des Metteurs en Scène", ki ti pe fer zwenn ansam tu bann dimunn ki kontan kre pyes teat lor lasenn.

Max Moutia, tankali, li ti enn gran santer klasik e li'nn kre buku lopera dan Plaza. Yves Forget, li mem ki'nn kumans zwe bann pyes teat morisyin kuma Judas, enn pyes Malcolm de Chazal. Pli tar, Azize Asgarally ek buku lezot ankor, finn kre bann pyes pli modern ek plis angaze.

Dan Plaza, buku artis deor inn defile : parmi bann pli seleb: santer tenor Georges Thill, santer popiler Charles trenet, Jacques Brel, ...

Fodre pa bliye ki sa landrwa la inn prezant buku bann trup artis indyin : bann danser Ram Gopal, Vijayantimala, bann santer Mukesh, Mohamed Rafi.

Anfin, bizin mansyonn Serge Constantin ki ti fer tu bann dekor lasenn pandan plizyer dizenn banane.

Le Plazza, Rose-Hill

Plaza, Rose-Hill

Plaza, Rose-Hill. Photo E. Richon.

En avril 1896 naissait la municipalité de Beau-Bassin-Rose-Hill. C'est en 1927 seulement qu'on décida d'entreprendre la construction d'un Hôtel de Ville afin de pourvoir la ville d'un édifice adéquat. À la suite d'une pétition lancée par Victor Singery, membre du Board des Commissaires de la nouvelle ville, il fut demandé que l'on puisse adjoindre au projet de construction, une salle de spectacles digne de la cité. En effet, la migration d'une partie de la population de Port-Louis vers les Plaines Wilhems, éloigna d'autant le théâtre de la capitale.

L'ordonnance n°20 de 1928 autorisa le Board à lancer un emprunt de 300'000 Rupees, ce qui lui permit d'acquérir un terrain conséquent au centre-ville. C'est par concours que fut arrêté le plan de l'Hôtel de ville et de la salle de spectacles et Coulhac-Mazérieux remporta le 1er prix en imaginant un édifice comprenant trois corps de bâtiments principaux: une administration (bibliothèque, bureaux, salle de réunions, commodités, une varangue), un théâtre (hall avec guichets, foyer avec deux bars, dégagement avec 54 loges, deux vestiaires, promenoir, fauteuils d'orchestre pour 450 personnes, deux couloirs, deux escaliers, foyer des artistes, une terrasse avec pergola et des galeries supérieures pour deuxième classe (422 places) et 3e classe (426 places). Enfin, une salle des fêtes avec une salle de bals, deux vestiaires et une varangue, une salle de banquets et des commodités.

Le projet envisagé était estimé à 472'000 Rps, comme l'emprunt obtenu était moindre, le plan dut être modifié, ce qui n'empêcha pas d'ailleurs lors de l'exécution, de dépasser notablement l'estimation initiale. La première pierre fut posée en 1929 et l'inauguration n'eut lieu qu'en 1933, en raison d'un violent cyclone en 1931.

Le nom de Louis Tharaud, homme de théâtre français établi à Maurice, restera lié à la construction par les multiples conseils avisés qu'il sut prodiguer tout au long des travaux. Le théâtre fut inauguré par une séance de cinéma parlant, nouveau à l'époque, mais c'est le Mauritius Dramatic Club qui offrit au Plazza ses premières pièces. Cette association joua un rôle de premier plan dans l'émulation théâtrale qu'elle provoqua durant plus de quarante ans. Mentionnons également le nom d'Amédée Poupard, disparu en 1969 qui, dans le registre des comédies légères, fit merveille. On lui doit la création de la "Société des Metteurs en Scène". Max Moutia, quant à lui artiste lyrique, trouva également en ce théâtre un lieu d'expression à la mesure de son talent. Enfin, Yves Forget fut le premier à y monter des pièces d'auteurs mauriciens. Judas de Malcolm de Chazal en fut un exemple fameux. Plus tard, Azize Asgarally et d'autres, amenèrent de plus grandes audaces encore.

Le Plazza reçut de très grands interprètes étrangers: le célèbre ténor Georges Thill, Charles Trénet, Jacques Brel.

S'y produisirent aussi de très nombreuses troupes indiennes ainsi que de célèbres artistes de la grande péninsule: le danseur Ram Gopal, la danseuse Vijayantimala, les chanteurs Mukesh ou Mohamed Rafi.

Enfin, le tableau brossé du Plazza ne serait pas complet s'il n'était fait mention, parmi tous ceux qui œuvrèrent dans l'ombre à son bon fonctionnement, de l'artiste serge Constantin qui réalisa tous les décors de scènes durant plusieurs dizaines d'années.

Viré monté