Sé lè ou pati an péyi san chapo
Yo ka tiré chapo ba’w
Drapo yo rayi kon krapo
Yo sé jik vréyé’y monté ba’w

Sé lè ou ped lapawol
Tout moun pé fè wol
Wol té enmen’w lékol
Wol té aprèsié’w menm lajol
Makakri-yo an tout wol

Sé lè ou pa la ankò
Tout moun ka fè djol-fò
Simayé pawol flòkò
Ek menm rivé di : ou pa té ni tò

Sé lè yo abiyé’w épi konplé mawogani-a
Yo ka jik touvé lari-a
Eti ké pòté non’w la

Sé lè’w tonbé anba brital konba
Yo ka miziré sa jistes doubak ou rivé ba
Menm lé pli ababa
Tout moun ni an mo jantiyes pou sa ba

Kitan nou ké sispann vréyé moun-mò osélélé
Ek rikonnet aprann valé lé vivan ki pa sékélé
Sé lè moun la toujou
Pou di-yo tout lanmou-nou

Jid
26.07.2026

*

 Viré monté