Viktò apré 84 karenm, Bazil fè an so danmiéw épi’w, i kouché do’w.  Wou ki té djok, épi vié-zié’w la ou pa ni tan wè’y ka vini, é i rivé fésé’w. Ou sòti dan lisid, mé ou lévé Bò Kannal ka wè danmié. Ou djoubaté red épi manmay l’AM4 (Asosiyasion Mi Mès Manmay Matinik) pou vréyé danmié-a pli wo.

Nou pé di bravman, Viktò pa té an lapo, biennokontrè lè ou té ka travay Labatwa, sé wou té ka ba moun lapo pou monté tanbou. Epi défen Erik* ou kabéché pou an sistem séraj tanbou-a.

Nou ka di tout manmay TBK tjébé fò, nou sav Niko épi tout manmay dépi Lavwa Pitjan ni tjè-yo ka fanm. Nou ka di Prézidan Jan-Lwi Maslé, Fabièn, Linda… épi tout sé potomitan-an kontinié bat ek tjébé fò. Man lwen péyi-a, mé man ka chonjé zot. Viktò nou sav tousa ou kité ba gwoup-la pé ké vini sann. Mizé kannaval fet gras a sa ou pòté kom Papa Djab.

9 Jen sé té an bel jou yo wè jou, mé sé jou Bazil mété lapat asou’w.

Erezdibonnè, Met-bèlè ou kité vwa’w asou dé réjistrèman kisiswa épi Mario* dan an chawa, kisiswa épi Jeff*ou fè bèlè ni son modèn épi XTREM-JAM oben épi Kali adan Bèlèboumbap, ou di nou Mizik sé travay nou, sirtou mizik bèlè-a, oben asou prop non’w ou sòti an CD «Mi bel jounen».

An 2023 yo batizé wonpwen kawtié «Giratoire Victor Treffe» apré ou trapé méday «Chevalier de l’ordre des Arts et des Lettres» pou sa ou pòté pou lakilti Matinik.

Nou lé di’w bon vwayaj Viktò, tanbou Kalenda Bèlè sonnen jik jou pou nou toujou sonjé bèlè-a éti té an tout nam-ou. Ou pati, mé épi mizik bèlè-a, nou sav i ké mennen nou dan Rénovasion épi lavwa pitjan Tanbou Bò Kannal ké toujou rézonnenn.

Notes

1. Eric Gernet, a contribué à un nouveau serrage de la peau du tambour.
    
2. Victor est intervenu sur l’album de Kali, Bèlèboumbap.
    
3. Jeff Baillard, avec XTREM-JAM ouverture du bèlè électronique, avec Victor Treffe.

*

Sommaire Kréyolad

*