Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 934

An lodè vakans

29.07.2022

Jid

Festval des soupes de Martinique 2022

Apré Touw siklis lasimenn pasé-a, ek Touw Yol ka vini ovantatè, ou sé di toupatou ni an lodè vakans. Menmsi an ti-fanmiy Adjilbè palé di vakans dété, Misié di’y karektèman:

— Matinik pa ni lété, menmsi lajan-an kon létè sé jou-tala!

Menmsi tan-an ka jwé bèkalo, fok pa bliyé nou an tan livènaj é sé pa pas moun ka vini an vakans isi, i ké mofwazé pou fè moun plézi. Pliziè minisipalité kisiswa dan linò, kontel Dépité Maslen té la bò nouvo mè-a pou té ba an lari non an potomitan listwa Matinik. Atjelman Préchè ni an lari Arman Nikola.

Pa koté Chelchè Misié Limè gloriyé pliziè pèsonalité komin-lan kontel dé ti-komersan mé an manmay Chelchè éti ki fè an bon pawkou pofésionel jik a vini povizè Lisé Chelchè ké viré wouvè larantré ka vini.

Dan linò atlantik té ni gran penteng Latrinité; mé man Limè viré mété doubout déziem festival soup. Adjilbè pa té ni asé bouden pou gouté tousa model soup. Misié pa té menm sav Matinik té ni tousa soup.

Kisiswa kalalou oben soup-trip; kantapou patanpo oben soup lédjim; pa menm palé soup kat vites oben velouté anti-estres. Mé man Léyòn ki té trapé kouwòn-la lanné pasé té nofrap kon an wonpwen. Lè an jounalis mandé’y sigré’y, i réponn li:

— Zot pa bizwen konnet zafè mwen, mé man pa pè yo!

I té ja préparé tout ti-zagré’y, chabon’y té ka espéré téson’y pou limen bon difé anba soup pwéson’y pou mijoté an bon ti-manjé. Asiré moun ké tété dwet kon lanné pasé.

Mèsi Jan-Michel ek Man Limè pou bel moman matjoukann Matinik. Anlo moun ridékouvè soup ki lontan pli bon pasé anlo manjé flap-flap !

Jid

Bel poveb kréyol 672

«Sé vié kannari ka fè bon».

*

Sommaire Kréyolad

 Viré monté