Dimanch pasé lè i té twazè’d laprémidi, pa té ni an chat an lari. Tout moun té chienboul ek tout moun té pou Lafrans. Mé lè sentjè rivé, tout moun an té tris kon an jou san pen. Akondi an fransé ki té an vakans, fidji yo té pran an kout grizou.

Man jik tann dé sipòtè ki té kou koupé pou Lafrans, mandé pou mété Deschamps déwò san bay bwè menm an ti-didié.

Antouléka, Lafrans té an dan an lanmizè blé apré bi Portigal-la a la prolongasion. Yo trouvé arbit la té arbit siwo. Ni ki jik trouvé Griezman pa sa chouté an sitron dan an ladésant. Ni anlot ki jik di:

— Lafrans té ni trop neg, sé pou sa yo pèdi!

Anfen sé pa bagay nou pa tann. Adjilbè di mwen:

— Man ni an vwazen mwen ki pa lé menm palé kréyol ankò, I di mwen i portagè!

Nostrom di, aprézan sé yenki yanm portigez i ké manjé!

Mé adan tout bagay-tala, es nou pa té konté zé an tjou poul?

Lamè ki ja ni bon laj, di mwen:

— Toutan solèy poko kouché, ich tig pa ka dòmi san soupé, ek tro présé pa janmen fè jou ouvè!

Pawol Lamè sé pawol senk é kat, kidonk an pawol nef. Tousa pou fè nou sonjé dan an match football, toutan arbit la pa siflé lafen, nou pé pa di nou genyen.

Asiparé komkidiré, Lafrans té ja jik genyen an gran bis blé épi matjé anlè’y «Chanpion Léwop». Man pa sav si sé sa ki pòté yo djiyon, mé asiré lot kou-a yo pé ké genyen match-la avan yo jwé’y.

Es prim la pa té two wo tandik ni moun an Frans ek Matinik tou ki pa sa menm péyé fakti télé yo?

Bal kasé violon dan sak, san payet!

Jid

* * *

Sommaire Kréyolad

 Viré monté