Lendi bonmaten, anlo moun té anrajé anlè lawout. Kisiswa sa ka vini  pa lisid oben sa ki sòti  dan linò, tout moun té blotjé épi lé taksiko.

Sé chofè-a ki anba lopsion l’USET té lé atoutfos izé Jozet. Asiparé, manzel té ké ponmet yo katrèvenmil éro. Yo di yo pa ni asé, pas dapré lakat marin épi katjil yo, sé sansenkant mil éro yo té ké ni bizwen pou yo pati laritret. Lè nou sav, sèten ni twa dwa taksi, nou ka konprann poutji yo ka goumen.

Yo pa dakò pas asou katrèvenmil éro-a. Konsèy jénéral ka ba yo karant mil douvan douvan, ek lèrestan sé épi Laréjion i pou wè sa.

Pres tout moun sav, sé jou-tala Laréjion, si yo pa toutafetman débantjé, lajan matla-a fonn kon sinobol anba gwo chalè sé jou-tala.

An menm balan-an, té ni grev Konsey jénéral pas anlo travayè poko sav ki manniè krab-la ké dékalé-a.

Yè anlè an radio, Brino Nestò pa mété dlo an bouch-li pou di bravman:

— Sé katmil ajan Konsèy jénéral ek réjional-la pa asiré trouvé an plas. Sinon bidjé TCM-lan ké sèvi pou péyé yo!

Sé bien pou sa, sé ajan Konsèy jénéral débréyé bonmaten-an pou fidjiré épi prézidant-lan.

Epi kanpàn élektoral-la sé kandida-a pa ka djè palé di personel-la. Yo tout ka fui, oben ka di yo ké ni tan wè sa apré. Poulemoman, fodra éli yo pou yo pé otjipé di sa. Sa ka mété moun entjet. Anlo poko menm sav si yo ké alé voté, jijéwè ba kimoun. Poulemoman ja ni 9 lis é yo poko sav kiles yo ké chwézi, yo mélé kon farin é sann.

Sa ki pli tris-la, sèten ja menm paré achté vwa, ek dot lé asepté vann vwa yo tou pou an portab, é menm 50 éro. Afos swadizan yo mélé.

Fout sa red kanmenm, lè nou ni an dwa ek nou pa sa sèvi’y. Savrè sé pa tousa ka fè ni blokaj an péyi-a.

Jid

Sommaire Kréyolad

 Viré monté