Lasimenn pasé té ni gro lafet toupatou, pas sé té 22 mé, sé jou pou nou pa bliyé.

Mé es sé jou pou fè lafet oben an jou fet pou réfléchi?

Anlo anpami nou pa réfléchi telman, yo jik bliyé zafè éleksion Léwop-la. An plis di sa gouvelman mété sa an sanmdi lavey lafet lé manman, bagay pou labtansion fè tansion moun monté. Antouléka moun pa djè déplasé bò bwet-lin.

Mé adan bagay-tala sé Lwijo- ki pasé bel, menmsi isi-a i pa rivé douvan. Sé pou di zot manniè sa pa djè klè.

Pa koté Lafrans, Lamarin (pa sé tala ki anlè lanmè-a) ka bat lestonmak li pas parti’y la mété tet chouval-li douvan. I jik fè lentérésan’y pou di i sé prèmié parti ek i mandé yo kasé Lasanblé Nasional pou rifè éleksion dépité.

Pou lafet manzel ka fè lafet mé es tousé sé pa lafet épi nou?

Kom nou pa alé voté, yo mété’y douvan é sé atjelman i ka fè lafet épi nou, pas i bien douvan. Akondi poveb-la, lafet 22 mé oben lafet tanbou apré lafet lé manman, tanbou a lou pou nou pòté.

Mé sé nou menm ki mété’y la, sirtou lè nou pa alé voté.

Jid

Sommaire Kréyolad

 Viré monté