Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 380

Wol mò

5. Août 2011

Jid

Yoles 2011

Tour des yoles 2011. Photo Thierry Negi.

Dépi koumansman tour yol la, ni an boug ki pa ka travay lamarin mé ki sé an trè bon maren.

Misié té ka fè wol mò, pas anlo moun té lé téré’y avan i pati.  Misié té ka fè koy lis lis yo jik kriyé’y Félis.

Antouléka i rivé genyen twa asou set étap la. Sa ki konnet lanmè té ja santi sa pas i anpami sé dé yol la ki pa koulé an prolog Robè a. Magré Aton fè tousa i té pé, magré tousa yodi konmkwa i té ké ni an vié yol, magré yo chanjé dat larivé a, pou mété’y mardi ousédi sa pa fè misié ayen.Bien okontrè.

Ni dé malpalan,(toujou ni) éti pa matjé pou di:

– Vié lodè wawet Robè, té ké an finaldikont an zenzen!

Lè’w bien gadé, sa pa opozé Félis genyen tour la pas sa té ka rivé an komin li.

Félis razé favori’y pou i té sa bien di i pa favori, ek pou pèsonn pa kwè i té favori pou toutbon. Sé bien sa éti yo kriyé fè wol mò pou wè ki manniè yo ka téré’y.

Dimanch asou an lanmè kalmisiré, yo rété pasé sétè anlè lanmè. Lanméri Ofranswa té jik oblijé limen limiè pou sé dènié  pou sé dènié yol la. Asiré si i pa koulé i ké rivé douvan akay li Robè.

Andidan tour-tala, ni an bagay ki tris kanmenm. Piè jis ni mar apré pasé karannsizan ka pran lonbraj. I té bien anvi wè an kout yol tou. Lè yo pale misié di déviré an Frans pou fè an zafè lekzamen pou té ladjé an manniè définitiv. Sa fè’y ped tet-li.

Pou premié fwa an tour yol ka rivé le mardi, Félis désidé rivé douvan pas i té lé montré moun i poko té mò.

Jid

crabe

Sommaire Kréyolad

 Viré monté