Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 327

Vakansié

17. Juillet 2010

Jid

Prêcheur

Prêcheur. Photo F. Palli

Lé vakansié anrajé pasé ayen yo ka tonbé léta. I ni anlo ki kité lété an Frans pou vini pran lapli isi-a.

Sé ki lé vakansié bliyé ki Matinik ni dé sézon : karenm épi livènaj. Livènaj pa ni livè, mé an tan-tala ni bon dlo. Sa ka koumansé dépi alafen mwa’d jen jik pakoké lanmwatié mwa novann.

Vakansié pèdi labitid vini an désanm, lè livè ka fann fwa-yo épi frédi pli fret ki adan an frijidè. Sé lè ni pli bel soley Matinik. Daboudabòw, anlo fransé sav sa é yo ka vini avantatè an périod-tala chaché solèy pou chapé anba livè a.

Kidonk lé vakansié, pas ni lontan yo pati, yo konprann Matinik kon Lafrans pas nou ka palé fransé. Anlo ka wouspété, jik ni yonn ki di bien faché:

— Sè pa posib qu’il plèv otan!

Misié éti ka viv pabò Cherbour obliyé la ka ni lapli toulitan é moun ka bien viv.

Cher boug-la pa sav ki nou an périod siklòn éti a nenpot ki lè yonn pé tonbé anlè nou kon an manjépoulé asou an ti-poul.

Sé pa pas ou kité an koté, i pa ka chanjé. Epi asou tout liwonn latè lanati déréglé sa pa osi net ki avan. Sa pou lé vakansié sav, sé ki lapli-nou pa kon ta Lafrans, i pli cho épi lè rad-nou mouyé lamenm soley la ka sek li Délè menm toupandan lapli ka tonbé grosolèy ka kléré Sa sé osi Matinik. Sa vré lé vakansié té ké simié ni solèy touléjou, mé nou antan livènaj é sé konsa. Sé pa pas moun ka pres toufé épi kanikil ki nou ni oblijé ni gro soley. Sa toutafè normal, épi fo pa yo bliyé avan gran-manman té ka di nou, «zorey ou drésé kon an milé ki tann an kout tonnè an mwa dawou».

Alow vakansié paré kò zot pas vakans-tala ni titak plis dlo.

Jid

crabe

Sommaire Kréyolad

 Viré monté