Simenn-tala tout ti-bef ké konnet pitjet-yo. Met lékol ka viré la yo ka travay, travayè ka déviré an lantoupriz-yo (lè i pa fèmen oben likidé), tianmay ka déviré lékol mé bien souvan adan dot klas  (pou sa ki pa doublé).

Mé anboutéyaj pa janmen sòti i toujou la. Man konnet an vakansié ki rivé a di:

– Sa pli danjéré ki lati-kouròn Pari.

Anboutéyaj toujou la pou an… (anbété moun, pou zot pa di man malélivé).

Lé swasanntrézis ja o konba asou le téren,  pou frennen tout bagay a livié.
Lé saswannkatòzis pofité pou jwenn ek éséyé mété tet-yo adan menm bonnet la.

Lé orkes ki té viré monté kontel La Perfecta, Opération 78, Les Léopard, Kwak tousa fini. Bal kasé violon dan sak.

Atjelman nou ké wè ki manniè krab la ka dékalé. Asiparé komkidiré Gromota ponmet viré mété an wout pa koté Lagwadloup. Kantapou kolektif la, i paré fè lé revandikasion vansé tigout pas ni anlo bagay ki poko réglé.  Ou sé menm di bagay la vini ankò pli bandé pas anlo lantoupriz pofité likidé lè y opa anni fèmen net. Délè yo pa ka menm jwenn patron an, ki pa Matinik ankò é ki pa ka réponn o téléfòn.

Ni anlo vakansié ki fèmen zié-yo pou oubliyé lé poblem, mé ou sé di poblem toujou la, sé pa sa ki mantjé. (Poblem dèyé poko mannié). Lè ou bien gadé ou sé jirédi ni ankò plis.
Lantoupriz ka kontinié fèmen alé viré chario. Chonmaj ka wosé, lésans pa ka bésé. Asiparé ké menm ni mwens met lékol. (pa ni lajan pou ranplasé sa ki pati laritret). Ou sé di larantré osi danjéré ki lasòti.
Es poblem fet pou ladjé obensinon pou réglé?
Sé zot ki sav, é sé tala ki ka tjenbé latjé poblem la ki konnet chalè’y. Sa cho dann!

Sommaire Kréyolad