L'avare qui a perdu son trésor

En zou ti ana enn bonom ki ti ana lazan an mas.
I fouy en trou dan milié simitiè, i antè son lazan;
Lè i ti fin kasiet sa, à tout lè i vin gété,
Pou wa si tou i la mem. Afos alé vini, touné, viré,
En lot zom i wa li. I pa di nayen, i les li alé.
Lè i ti fin alé, sa zom la i pran lazan i foulkan avek.
Son landmen lè bonom i vini, na pa lazan.
I komans gélé, bat son lé kò, i di Bondié fè li mò.
Enn lot zom ki pasé, i dmann li ki li gangné,
«Ki mo gangné? Zot fin koken tou mon lazan!» - Ou lazan ?»
Mé akoz ou pa ti met li dan ou las kaz? ak fè ou ti met dan la tet?
Ou ti kapab vizit li tou lé zou san krent volè.
Kan ou ti va bzwen aseté kek soz, ou pa ti va gangn la pèn al si lwen.
Ou ti a trouv li pros lan mem» - «Ki ou di ? Dépansé ?
Lazan tro difisil gangné pou dépans li kom sa.»
Lot zom i rié, i di: «A ben aprézan antè en wos dan son plas.
Kan doumoun i ana lazan, sété pou sèvi li.
Lè nou mò, kan i met nou dan trou, ki nou anmenné?
Nayen. I ana zans ris ki priv zot lé kò tou kek soz.
Lazan ti fè pou dépansé.