Potomitan

Site de promotion des cultures et des langues créoles
Annou voyé kreyòl douvan douvan

Contes créoles

Catalan Sonia, Combelles Henri, Abela Lilia
Tim Tim ? Bois sec ! Contes créoles, 2e niveau,
Paris, Didier - Hatier Antilles, 1981
ISBN : 2-278-03476–6
p. 39

Jeneral Kodonyé

Té tini on kodonyé ki té telman fennyan, i pa té vlé travay.

On jou i fè on ti palèt e i mété’-y ka tchwe mouch. I pran san a mouch la, i mété’-y asi lenj a’y é di:

— Mwen tchwe swasant sòlda san konté lé blésé é sa mwen pa menm vwè. Tout koté i pasé i té ka rakonté sa.

Wa la tann sa. I téni on batay pou’-y fè, mè i pa téni sòlda. I fè kriyé kodonyé la.

Kodonyé la di:

— Mwen ké fè batay la pou-ou. Mwen pa bizwen sòlda.

Wa la ba’y on chouval a dé brid; yonn pou aresté, lot la pou alé.

Chouval pran kouri. I té ka kouri telman vit, kodonyé la pa té tini tan pou kenbé brid aresté la. I té tini on drapo an men a’y.

Lè i rivé koté on simityè, i té telman pè, i kenbé on kwa. Kwa la raché.

Lè i rivé si lè chan de batay èvè kwa la an men a’y, sé sòlda la mété yo a jounou. Yo konprann sé Bondyé ki ka vini.

Kodonyé la pran drapo a sé solda la, éi rapoté’-y ba wa la.

I di’-y kon sa:

— Lè ou tini on piti batay kon sa pou fè, pa la penn kriyé mwen.

Viré monté